Video
Read full review
2017-01-09
214 views
今日同好朋友聚舊一定有好多野傾，於是我搵左一間係黑布街有酒飲又有野食既餐廳試，以為酒吧可能都係以酒為主，點知食物都好有驚喜！一杯係Sex on the beach, 另一杯係士多啤梨沙冰(有酒精成份), Sex on the beach同平時去酒吧飲既都差不多無太大分別，反而朋友杯沙冰就有濃濃既酒味，唔太飲得酒既我飲左一啖就同朋友掉換了，哈哈！頭盤帶子薄片伴紅葱頭及美國露筍，配有少少黑椒加橄欖油好鮮味，另外露筍都好爽口，未試過咁樣食，係好新鮮既配搭！呢個牛肝菌忌廉湯濃濃既菌味，有少少黑松露油係湯上面好香，加上我同朋友都幾鐘意食菌類，所以極力推介呀！本身好鐘意食意大利飯，幾乎每次西餐都總會叫一個，今次都唔例外！呢個牛肝菌意大利飯上枱既時候覺得賣相麻麻，可能因為飯粒比較大，以為會煮得過火左太淋又太濕！但真係好比佢賣相呃到，原來感覺唔係咁，咬落去質地仲一粒粒好分明添！味道其實同個湯有點相似，所以我同朋友都食到唔夠喉！主菜之一美國頂級肉眼配牛肝菌芥末，我地叫左五成熟，烤得剛剛好，肉質唔韌仲有好有牛肉味！正！主菜之二意式焗紙包鰽魚，我同朋友一見到個名已經話叫，全晚最驚喜既菜色，而且呢個做法好特別
一杯係Sex on the beach, 另一杯係士多啤梨沙冰(有酒精成份), Sex on the beach同平時去酒吧飲既都差不多無太大分別，反而朋友杯沙冰就有濃濃既酒味，唔太飲得酒既我飲左一啖就同朋友掉換了，哈哈！
頭盤帶子薄片伴紅葱頭及美國露筍，配有少少黑椒加橄欖油好鮮味，另外露筍都好爽口，未試過咁樣食，係好新鮮既配搭！
呢個牛肝菌忌廉湯濃濃既菌味，有少少黑松露油係湯上面好香，加上我同朋友都幾鐘意食菌類，所以極力推介呀！
本身好鐘意食意大利飯，幾乎每次西餐都總會叫一個，今次都唔例外！呢個牛肝菌意大利飯上枱既時候覺得賣相麻麻，可能因為飯粒比較大，以為會煮得過火左太淋又太濕！但真係好比佢賣相呃到，原來感覺唔係咁，咬落去質地仲一粒粒好分明添！味道其實同個湯有點相似，所以我同朋友都食到唔夠喉！
主菜之一美國頂級肉眼配牛肝菌芥末，我地叫左五成熟，烤得剛剛好，肉質唔韌仲有好有牛肉味！正！
主菜之二意式焗紙包鰽魚，我同朋友一見到個名已經話叫，全晚最驚喜既菜色，而且呢個做法好特別，上菜時都係即時剪開包魚上！魚質嫩滑，底下有蕃茄同薯仔一齊煮，魚湯亦好鮮甜好清！
無諗過酒吧既食物都有水準，下次再約過其他朋友黎試下先！Post
