老長沙湘菜館 (Closed)

今日放假約咗朋友去佐敦行街食飯,行過吳松街見到間湖南湘菜個門面好吸引,所以入咗去試下。老長沙湘菜館,地址係佐敦吳松街149號龍匯商業大廈地舖,餐廳裝修得好光猛整潔,座位空間感相當足夠,樓上仲有vip房,喺度食飯感覺真係好舒適。望一望餐牌有烤魚,烤羊扒,烤羊腿,羊肉串,如果多人仲有預訂烤全羊,仲有好多小菜可以選擇,全部都好吸引。烤羊扒半排 390元,羊扒分量好多睇見都流口水,肥瘦相間真係好吸引,入口羊味好香,肉質非常嫩滑,仲要一啲騷味都冇,每一啖都食到羊肉同羊脂,呢個口感真係100分,第一次食到咁香咁嫩滑嘅羊肉。羊雜湯 398元 四至六人份量, 羊雜湯味道好鮮甜,入口帶少少香辣味,入面有羊肺,羊腸,羊肝,羊肚。入口感覺好暖胃,真係好有益,呢個羊雜湯真係好值得一試。干鍋魚雜 少辣 188元,賣相勁吸引上枱已經聞到好香嘅味道,入面有魚鰾,魚籽,魚籽口感非常特別,味道鮮甜,加上有少少香辣味,味道好有層次,呢個餸用嚟配白飯真係一流,色香味俱全。