炯記餐室

Open Now

Now Closed

星期六放假，同屋企人嚟到炯記餐室食野。我哋11點去到，見仲有早餐食就於是先叫咗兩個早餐食住先，之後再叫其他。鹽焗手撕雞腸粉一上枱夠哂熱，腸粉滑溜，醬汁都夠多。鹽焗手撕雞雞皮爽彈，雞肉嫩滑，調味啱啱好，配腸粉好夾。厚蛋火腿三文治三文治加咗兩蚊烘底，麵包外面脆，中間軟熟，炒蛋炒得夠滑，而且香蛋味同牛油味，配火腿好夾。銷魂腩叉叉燒厚薄、肥瘦適中，帶點光澤，肉質口感軟腍，肉味濃郁，而且帶點焦香，必食！香茅雞翼蔥油撈丁雞翼有4隻份量都幾多，而且大大隻漲卜卜，雞翼外皮香脆，肉質軟嫩多汁，而且仲新鮮熱辣，撈丁口感彈牙，撈埋蔥油食，好惹味。即磨咖啡咖啡芳香濃郁，口感順滑細膩。柚子氣泡檸檬茶酸酸甜甜好開胃，柚子同檸檬味道好夾。