Hami Harmony (Closed)

約了朋友去了太子警署對面的西餐廳食飯，這裏平時都幾full，所以我們都先訂位。餐廳主要是以四人枱的卡位為主，座位舒適。小食款式頗多，所以我們二人都主要是以小食為主。我們叫了一個煙三文魚凱撒沙律，煙三魚顔色比較淡，沙律菜切得比較碎，裏面有巴馬芝士、煙肉碎及麵包粒，清新開胃。之後叫了幾個小食，其中一個是白酒忌廉煮青口，青口鮮甜而且肉嫩，有淡淡的酒香同時很creamy。另一個小食是海膽車打芝士焗大啡菇，真係好好好好味，啡菇表面舖滿了芝士，裏面肉汁豐富，一咬落去菇味道跟芝士味二合為一，芝士咸香味令啡菇味道更突出。最後的小食拼盤，份量十足，其中我最仲意就係炸芝士條，外脆內軟的芝士，十分吸引；芝士葱餅都幾特別，半溶芝士夾在烤餅肉，幾有口感。最後再食埋個牛油汁蜆肉自家製蝦米幼長通意大利粉，雖然意粉外型不算吸引，好似碌到發脹左咁，但係其實係幾硬身，完全唔腍，口感幾好，而且有很香的蝦米味及牛油香，用蝦米這個比較中式的配搭放落西餐意粉上，真係好有創意，而且配搭十分成功，絕對有驚喜。