老厝邊

Open Now

Now Closed

出開奧運站買嘢，順便search吓附近有咩好野食，搵到呢間台式餐廳，鐘意芋頭既我spot佢有賣芋泥蛋餅，即刻bookmark咗！果日星期六2點幾3點去到，人唔多，即刻有位。叫左個超濃芋泥蛋餅，炸魷魚鬚同埋一杯檸檬紅茶。紅茶同埋炸魷魚鬚好快就到咗，檸檬紅茶喺非常台式嘅味道，係帶有點點青檸味嘅偏酸既檸檬紅茶，我地都幾鍾意。炸魷魚鬚喺新鮮熱辣辣嘅，粉唔算厚，冇甩皮甩骨，味道滿意。最後嚟嘅蛋餅喺已經切件上，見到d餡料已經露咗少少出嚟，原來蛋餅之內係有厚厚嘅芝士！芋泥加芝士簡直係無敵。佢本身附有一個類似蒜蓉味既汁，不過我地試點個都係覺得好唔夾…唔好點汁啊😫小店環境都尚算舒服，唯一既係冷氣有d大。