Video
Read full review
2020-07-26
527 views
餃子可以話係其中一樣我日日食唔會厭嘅食物😋🥟之前返工都已經有叫過甜記外賣，今次專登去堂食一次🤤 食餃子+寫食評，一舉兩得✌🏼🤓•📸雙拼雞湯餃（白菜豬肉餃+韮菜豬肉餃）$38/8隻📸雙拼煎餃（粟米芝士雞肉餃+洋蔥牛肉餃） $42/8隻•🥢 白菜豬肉餃今次白菜餃真係比較失色，隔住餃子皮都見到啲餡好淺色，仲以為佢係用咗大白菜做餡，一咬開就食到少少薑味，得好少白菜仔，90%以上都係肉，唔係好食到白菜仔嘅味同口感😣•🥢 韭菜豬肉餃韭菜份量同豬肉嘅比例都適中，但再多啲韭菜會正啲🤣咬開可以見到有韮菜同韭黃，所以韭菜味都幾濃👍🏼•🥢 粟米芝士雞肉餃煎餃比起湯餃更邪惡～外面半煎炸得好脆，一咬開就爆汁💦 芝士味好濃，同時芝士令到雞肉餡好滑，一啲都唔「鞋」，再加埋粟米粒嘅甜味，做煎餃真係超夾！不過芝士味食多幾隻應該會幾膩，叫雙拼/同其他人share食就啱啱好喇～•🥢 洋蔥牛肉餃真係第一次食牛肉餡嘅餃子，同芝士煎餃一樣，餃子皮好脆，然後一咬就爆晒汁💦🤣牛味同洋蔥味都幾濃，味道有啲似餃子皮包住漢堡扒，幾有驚喜🤩 •整體黎講，甜記嘅餃子都係皮薄餡多，隻隻都漲卜卜🤩 但煎餃真係比較出色👍🏼 另外可以加埋醋或者「秘製
•
📸雙拼雞湯餃（白菜豬肉餃+韮菜豬肉餃）$38/8隻
雙拼雞湯餃
$38
6 views
0 likes
0 comments
📸雙拼煎餃（粟米芝士雞肉餃+洋蔥牛肉餃） $42/8隻
雙拼煎餃
$42
13 views
0 likes
0 comments
•
🥢 白菜豬肉餃
今次白菜餃真係比較失色，隔住餃子皮都見到啲餡好淺色，仲以為佢係用咗大白菜做餡，一咬開就食到少少薑味，得好少白菜仔，90%以上都係肉，唔係好食到白菜仔嘅味同口感😣
•
🥢 韭菜豬肉餃
韭菜份量同豬肉嘅比例都適中，但再多啲韭菜會正啲🤣咬開可以見到有韮菜同韭黃，所以韭菜味都幾濃👍🏼
•
🥢 粟米芝士雞肉餃
煎餃比起湯餃更邪惡～外面半煎炸得好脆，一咬開就爆汁💦 芝士味好濃，同時芝士令到雞肉餡好滑，一啲都唔「鞋」，再加埋粟米粒嘅甜味，做煎餃真係超夾！不過芝士味食多幾隻應該會幾膩，叫雙拼/同其他人share食就啱啱好喇～
•
🥢 洋蔥牛肉餃
真係第一次食牛肉餡嘅餃子，同芝士煎餃一樣，餃子皮好脆，然後一咬就爆晒汁💦🤣牛味同洋蔥味都幾濃，味道有啲似餃子皮包住漢堡扒，幾有驚喜🤩
•
整體黎講，甜記嘅餃子都係皮薄餡多，隻隻都漲卜卜🤩 但煎餃真係比較出色👍🏼 另外可以加埋醋或者「秘製蝦米辣菜脯 」 一齊食，我哋都覺得辣菜脯唔算好辣，又有淡淡嘅蝦米香，配餃子真係好惹味，淨食菜脯都好正～😋
湯餃可選雞湯/番茄薯仔魚湯，今次試咗雞湯，之前試過番茄湯，兩款湯都偏鹹但材料味比較淡，可能係預左搭餃子食，可以中和返鹹味，但就咁飲唔太適合。
•
Post
