Niksen Koffie (Closed)

黃埔Niksen Koffie系一間寵物友善餐廳，裝修以木系為主，簡約嘅設計風格，餐廳面積超級大，枱與枱之間有空間感，尤其係香港地人多擠逼，呢個空間感令到所有人都感到好放鬆。初初認識Niksen Koffie就係因被佢個芭菲吸引住，賣相突出，實在很igable，有一紅一綠兩款口味，綠色嘅系香印提子拿破侖芭菲，紅色嘅系士多啤梨拿破侖芭菲。兩款芭菲都係即叫即整，每日限量供應，所以黎到就要先落單啦。我哋嗌咗綠色嘅香印提子拿破侖芭菲，青翠嘅香印提子脆口爽甜，頂上有拿破侖，口感鬆化香脆充滿牛油味，尤其喜歡食到底嘅口感，有寒天凍、啫喱條、脆米，口感層次豐富。三文魚椰菜花藜麥飯(生酮) 生酮飲食不嬲系健康減肥之選。用藜麥同椰菜花粒代替米飯可以減少碳水，三文魚煎得表面金黃，皮脆肉嫩，淋上檸檬汁，香口而不膩。另一款系牛油果大啡菇椰菜花藜麥飯(生酮) 。椰菜花同大啡菇都切成粒粒，撈埋熟透嘅牛油果，口感非常好，牛油果嘅綿密同大啡菇椰菜花藜麥嘅脆爽口感互補平衡。配有薄荷葉，感覺十分清新!日式和風章魚燒披薩，餅薄脆充滿日式章魚燒風味，上面有章魚、木魚片、紫菜絲、沙律醬，章魚粒口感Q軟，非常有滋味。Niksen