貴香園

Open Now

Now Closed

以前係太子學車，必到附近食碗小窩米線醒神，今日滿心歡喜想再食，可惜原來已經結業。行前幾條街見到有間米線小店，即試試解嘴饞。雲南小鍋酸辣米線點左豬軟骨+鮮肉粟米餃兩個餸，各有三件。先講豬軟骨滷得軟糯入味，軟骨入口即溶。鮮肉粟米餃子皮厚薄適中，肉餡需唔算多，但紮實有鮮肉汁香，唔係普通叫貨貨式👍🏻不論米線、配菜炸醬、酸菜、芽菜量都好多，所以湯底平衡夠酸夠油脂香。蒜泥白肉不得不推介蓋滿手切新鮮蒜配上較厚五花肉片，肉香又有咬口，辣椒油炒得又夠香，集鮮香辣👍🏻其他補充餸菜款式多樣化共有40多款，除米線亦有涼皮或紅薯粉。店舖約40個座位，中午時段黎到，人流唔算太多，數位工作姐姐都有禮。