Chef's Stage Kitchen

Open Now

Now Closed

西餐廳燈光柔和，座位闊落舒適。睇啱個二人餐，落左一個扒餐同埋一個主食，餐湯同沙律。先來餐包同脆條，一個非常煙靭，一個脆卜卜，配埋creamy醬汁好夾。先嚟兩杯嘢飲，金黃FORESTMINT MANGO PINEAPPLE，味道香甜，有清新芒果、菠蘿夾埋涼涼哋嘅薄荷，非常清新。綠奶PANDAN PINEAPPLE，香香地少甜，斑斕奶昔味，中間夾雜着少少菠蘿味。餐湯轉配咗龍蝦湯，好濃郁嘅龍蝦味，湯底creamy好飲。沙律香煎珍寶帶子及煙三文魚酥皮餡餅，香醋橄欖油，配埋清新沙律，非常開胃，珍寶帶子表皮煎到脆卜卜，中間有帶子鮮味，煙三文魚探病，中間夾咗好多煙三文魚碎肉，配酥皮外皮，味道匹配。炭燒穀飼澳洲肉眼扒拼香草牛油焗波士頓院蝦尾，賣相非常吸引，牛扒五成熟，剛剛好，肉味濃郁。廚師已經將龍蝦肉開出，非常方便，肉質彈牙鮮美，配埋面頭少少芝士醬汁，好好味。軟殼蟹蟹籽意粉，呢款必食，意粉蟹籽醬汁非常濃郁，意粉彈牙，軟殼蟹好大隻，炸到脆卜卜。