Pancake 專門紗織 (Closed)

今日同屋企人咁岩出去銅鑼灣有啲嘢做 晏晝有啲肚餓 所以就去咗呢間日式班cake專門店試吓😆呢度嘅環境非常日式風 座位都比較闊落 環境好乾淨 唱上邊好多貓貓嘅掛畫同燈籠 都充滿日式風格😆媽咪叫咗一個烏冬輕食 而我就叫咗個鹹款班戟🥰媽咪話香燒牛小排蘑菇汁味道唔錯 牛扒燒得肥瘦均勻 充滿油脂香 滿滿嘅油脂撈埋烏冬同蘑菇汁 真係冇得彈 好入味足料 牛小排雖然比較薄身但係好重牛肉味 足足有五大塊！媽咪話食完都唔夠喉！個餐仲會跟埋餐湯餐飲同沙律 超抵食！餐湯係粟米忌廉湯 濃郁嘅忌廉湯再加滿滿嘅粟米 好開胃😋和牛漢堡班戟 呢一款鹹點好出色 和牛好大塊 上面滿滿鹹香嘅芝士 估唔到咁好食 用咗兩層班戟包住和牛漢堡 下邊仲有薯餅同芝士 用生菜做配搭 令到個班戟唔會太油膩好清新 最緊要係佢嗰班戟好好食 唔會好乾 燒到啱啱好😍