人和月雞煲火鍋店 (Closed)

近排轉涼，朋友就帶我去左尖沙咀既「人和月雞煲火鍋店」，餐廳自家首創酥皮麻辣芝士雞煲，食完雞煲再食火鍋，今次又肥幾磅啦！🌟酥皮麻辣🌶芝士🧀雞煲一上枱真係好震撼，個雞煲好大煲，塊酥皮好似煲蓋咁大塊! 外層酥皮焗至金黃鬆脆，散發陣陣牛油香，切開酥皮，裡面芝士雞件香滑惹味，份量激多，食極都仲有。雞煲可以揀辣度，麻麻辣辣，愈食愈想食，酥皮吸滿麻辣芝士雞汁，仲有芝士拉絲，啖啖邪惡好滋味！🌟野菌冬瓜湯食完雞煲就可以揀湯底打邊爐，我地就揀左野菌冬瓜湯，貼心會用另一個煲上，絕對唔會油膩。冬瓜一大片放係中央，仲有野菌做配料，冬瓜湯又清甜又可以中和返食雞煲既熱氣。🌟美國牛肉大滿貫牛肉以木盒上枱，包括有高級雪花肥牛、嚴選牛板腱、嚴選牛下肩、美國特選牛舌心和特級牛胸爽。款款都很新鮮，肉質軟嫩，牛肉味道好濃！🌟任食火鍋料QR code落單，可以追加牛肉，另外仲有餃子、豬牛雞、海鮮類等等。我地就食左嫩滑脘魚片，鮮打家鄉墨魚滑和台式鴨血，款款都好新鮮。自取區有大量蔬菜、丸類及出前一丁等，仲有熟食區有小食、沙律等等🌟飲品雪櫃有三款自家製飲品，仲有各式罐裝，紙包飲品及啤酒，選擇非常多。🌟甜品有豆腐花，最特別可以加抹茶曲奇