韓脈 (帝國中心)

Open Now

Now Closed

Outback執咗，究竟尖東夜晚仲有咩吸引你去食，竟然俾我誤打誤撞搵到呢間好味韓國餐餐。主打韓燒，但入到去一D煙味都無，佢吸煙系統真係好好，無預備都可以去食。一坐低竟然俾醬油蟹吸引咗，點左二人份試下。二人前包左醬油蟹一隻、醬油蝦同鮑魚各兩隻，仲配埋紫菜生雞蛋撈飯，真係性價比超高，味道濃淡適中，食到海鮮嘅鮮甜亦食到醬油膏嘅咸香。記得加埋蟹膏蟹黃撈飯，味道大滿足。烤肉吾少得啦，佢有專人幫你燒同分，岩哂懶人，配嘅生菜都好新鮮爽脆，叫燒肉會送多個韓式焗蛋俾你清清味蕾。叫咗個純豆腐湯，味道好好，唔係一般韓國餐廳嘅韓式辣醬味，好足料。前菜5小碟，推薦出面少有嘅鵪鶉蛋同魚板。