見見面 (Closed)

中午12點教完班，「見見面」為於學校附近，見裝修幾靚，空間闊落，樓底高又整潔，而且剛開門冇乜人，就行咗入去（我入座後不出半小時~ 全場爆滿🙈～行得快好世界🥳）。冇諗過食物質素咁高，咁有驚喜。👍🏼酸菜魚（生魚）例牌 $188～必食冇諗過較平價嘅生魚片肉質居然可以咁嫩滑☺️魚片完全冇骨（除脊骨位置～當然有骨啦🤣），就算只是例牌魚肉份量也非常充足2-3人食都無問題。魚肉完全吸收酸菜湯的精華，酸菜湯非常濃郁開胃👍🏼落單時揀選了多麻少辣，滿滿嘅花椒完全滿足到我。過癮過癮，完全係震懾味蕾～熗炒土豆絲 $58～推爽脆新鮮唔會過冧或過生，鑊氣十足👍🏼大盤花椰$78～推福花用了大量五花腩肉片&芹菜伴炒，夠晒鑊氣又夠鮮味，而且份量真係超大一盤😋拍青瓜$35青瓜新鮮多汁醋味十足～最大開胃小食。肉末酸辣粉$35調味及配料一流，但薯粉偏冧身。桂花冰粉$30～必食冰粉質地夠挺身得嚟又保持到非常滑溜，加埋黑糖桂花杞子清甜可口～係完美嘅配合，食完咁多重口味嘢，食返一碗冰粉簡直係清泉☺️