金樂軒雞煲魚鍋

Open Now

Now Closed

今日要去北角買野，順便搵下野食，行過見到D相幾吸引，就入去試下。酸菜魚有桂花魚同龍躉魚揀，第一次食都係平平地揀桂花魚試下。細煲既份量都幾多，除左有好多魚，仲有好多配菜例如娃娃菜同椰菜花等，魚夠滑，冇咩骨，微微辣。後尾先知原來有辣度可以揀，蠢左冇揀到。水煮牛原來水煮牛有3款，我地揀咗水煮牛頸脊，特別啲同埋個部位應該會好食啲。牛頸脊都幾多，唔會韌，好食！除咗牛頸脊，仲有豬紅同薯粉。辣度方面剛剛好，會覺得佢辣，但又唔會辣到出哂汗或者要係咁飲野。黃金蝦球想食蝦又唔想剝蝦，見到有黃金中蝦同黃金蝦球，問左店員確保冇理解錯就揀左蝦球！個蝦幾彈牙，加埋鹹蛋黃，食到停唔到口，一定要試！竹蔗茅根我哋嗌咗大枝，估唔到咁大樽，清清地唔會太甜，都好適合我哋今晚飲。