韓珍 (帝國中心) (Closed)

我都好耐冇食韓國菜，見到朋友去咗韓國食得好開心，我突然又好想食醬油蟹，於是決定接埋女朋友放工就一齊去尖沙咀食醬油蟹。我地去咗舊舖，由於我最近食咗燒肉，今次就冇叫燒肉，單點幾樣嘢。🥗先嚟六小碟前菜。沙律菜、泡菜、大荳芽菜、滷水鵪鶉蛋、茄子、腸仔魚板。🦀醬油蟹 $250 1隻醬油蟹嘅蟹膏甘香鮮甜，而蟹肉都鮮甜嫩滑，醬汁甜甜地唔會死鹹，將鮮甜無比嘅蟹膏蟹肉撈埋紫菜雞蛋牛油飯一齊食，超滿足的說。🥚50cm長韓式雞蛋卷 $158雞蛋卷入面包住生菜，蛋卷好嫩滑，加埋木魚片、蔥、芝士、泡菜、蕃茄汁、沙律醬等，口感非常豐富。上檯見到長長嘅蛋卷真係有點嚇到，擔心食唔晒，但太好味喇，食下一件又一件😂最後都有食晒。🐔甜酸炸雞 $190炸雞份量都好多，甜甜酸酸感覺似似地咕嚕肉，味道都唔錯。🌶️泡菜煎餅 $130煎餅好大碟好大塊，邊脆內軟，好有泡菜嘅味道，但唔會好辣，整體味道都算唔錯。