正牌沙田雞粥 (Closed)

正牌沙田雞粥喺西環重開，梗係要試吓啦，聽聞平時晚餐會好多人，所以今日揀咗中午嚟食，地方都容易搵地鐵站一出行幾分鐘就到，地方都乾淨企理。嚟到梗係要order 必食三寶，雞粥、豉油王炒麵和燒乳鴿。雞粥啲粥煲到軟綿綿，又有雞件，雞件又唔會鞋烚烚，唔怪得見枱枱都嗌，真係幾好食。豉油王炒麵加埋啲銀芽韭菜去炒， 仲灑左啲芝麻喺上面，夠晒鑊氣，又幾好食。燒乳鴿個皮燒到脆卜卜，D乳鴿肉又嫩口，襯埋啲華鹽，頂呱呱！特別推介，本人最鍾意嘅雞煲啫啫雞煲上枱時，熱辣辣香噴噴，啲雞又煮得入味，真係好嘢味，好食😋