南대門

Open Now

Now Closed

南대門尖沙咀金巴利道75號東南大樓地舖最近睇得韓劇太多，好想食下韓國BBQ解下個癮，好難得搵到個好知己肯陪我顛下，我地出去左尖沙咀金巴利道呢頭，已經見到呢間餐廳有幾間分店，人氣極高。我地今次就揀左呢間，一入到去已經座無虛席咁濟，職員安排我地入座。好快我地已經揀左餐了。職員好快為我地遞上前菜，包裝酸蘿蔔泡菜、芽菜等，好似置身係韓國當中，非常開胃美味。牛肉韓燒拼盤一上菜既時候視覺已經非常震憾！竟然有唔同款式既先！有牛小排、牛肋骨、牛肉粒，真係令人胃口大開，令我最難忘既係牛小排，輕輕燒一燒，已經可以食得，一入口已經即刻係我口腔溶化左，另外，牛肉粒醃得好好味，基本上每一款牛都非常新鮮同好重牛味，脂肪分怖亦都好均勻，玩晒！提提大家每款牛燒既時間都唔一樣，可以根據佢既厚薄程度衝量。泡菜湯一鍋已經有2人份量，材料非常充足，成碗湯都充滿勁多泡菜和豆腐，酸酸地同少少辣，喜歡泡菜既朋友必定要試試！泡菜煎餅每次去韓國餐廳都必點既一道菜，份量比想像中多，配上特製醬汁，啖啖都有泡菜既香，又唔會煎到太過乾，絕對係誠意之作。