炯記燒味

Open Now

Now Closed

放假和同事去咗尖沙咀行街，到咗晚飯時間，大家不約而同話想去炯記燒味食鵝油撈麵，之前食過真係一試難忘，那麼今晚就釀我們回味一下！餐廳真係好受歡迎，每次嚟到都係座無虛席。見到廚窗掛住我最鍾意嘅醬皇腩叉，急不及待入座去了。每款主食套餐都有老火湯送，足料夠火喉，清甜潤喉。炯記叉燒撈麵，每條麵沾滿鵝油和秘製鼓油，入口有陣陣油香，麵條較滑口，惹味但又不油膩。醬皇腩叉肥廋均勻，最愛吃叉燒的燶邊，肉質腍中帶爽，香甜蜜汁甜而不膩。海蜇手撕雞撈麵，雞肉嫩滑啖啖肉，配埋爽脆的海蜇，咸咸地很開胃。炯記四寶飯，炯記四寶與普通燒味飯既四寶略有不同，炯記四寶有惹味手撕雞、嫩口醬皇豬手、秘製醬皇腩叉、人人鍾意嘅紅腸，每寶都係餐廳招牌！其中豬手係用秘製配方細嫩慢熬 3-4 小時而成，入口即化，豬手吸收哂啲醬汁，肉質細嫩，非常入味。鹹檸七係將鹹檸檬切片放入杯中加入冰鎮的七喜汽水即可，清涼解渴。