協香麵飽西餅

Open Now

Now Closed

本來我買麵包都一定係要買帶肉的，即係腸仔包呀，呑拿魚包，火腿包，薄餅包嗰啲。哩個雞脾包直頭好似為我而設，又有包仲要啖啖肉，每一次來粉嶺都必買！只係八個半一個，外面淨係買隻雞脾都唔得啦，仲要卷埋香軟麵包比你。咬咗一啖雞脾肉，發現隻手濕濕，原來啲汁滴哂出來。講哩件事係想話比大家知，雞脾絕不行貨，煮得入味，雞肉嫩滑有彈性，仲要多汁。雞肉煮過所以麵包點都會吸左啲汁料，但係冇令到麵包軟哂一patpat，麵包鬆軟帶甜味，加埋雞脾，正。