珍一料理 (富榮大廈) (Closed)

今日經過荃灣，見到有間外賣小食嘅新店，睇睇餐牌，原來都有飯盒，所以決定叫幾款返屋企食。小食叫咗幾款試吓辣鹵金錢肚，少少辣辣地，炆得好淋好入味。脫骨香豬肘，豬手唔太肥，仲要冇骨，啖啖肉。秘鹵豬爽肉，真係好爽口，完全唔肥。藕片，勁爽口，食落非常清新。五香牛肉，好香五香粉味，d肉都好淋，完全唔韌。豬耳，切到一條條，食落好脆口，唔肥。叫咗個東玻肉百頁飯東玻肉，個醬汁好正，撈飯一流，d東玻肉睇落有五層，層層分明，d肥膏同豬皮食落都唔油膩，而且d肉好淋，勁入味。百頁，好香鹵水味，完全入晒味。椒麻手撕雞，d雞肉好有咬口，d雞皮勁爽口，完全唔同平時食果d雞，有少少麻香味，但唔係辣，買半隻已經好大盒，非常抵食。