麻辣小聚 (93WYS) (Under Renovation)

有個食得辣🌶🥵嘅朋友真係好，今日同朋友兩個人去咗觀塘嘅麻辣小聚，就係地鐵站B6出口步行大概10分鐘就到達，完全吾難搵。其實今次嚟最主要係我勁想食小龍蝦，知道呢度有得叫，所以我一坐低就向店員落咗個$198麻辣小龍蝦🦞，朋友就想試佢呢度嘅$248地道樟茶鴨🦆🐣🐥🐤，因為得兩個人又驚食唔晒，所以就剩係叫咗呢兩道菜式。麻辣小龍蝦吾單只賣相佳，色澤亦都好鮮美，而蝦肉係滑嫩嘅，麻辣味夠勁，果然冇令我失望！估唔到地道樟茶鴨都咁有驚喜，首先係鴨肉味好香，鴨皮都夠熱，食落入味香脆，就連鴨骨都入晒味！鍾意食辣嘅朋友仔有機會都可以嚟試一試！🌶❤️