Villa Villa

Open Now

Now Closed

北角站B出口附近有條樓梯街，餐廳小店臨立，間間都有名氣，之前一個人或者趕時間都未試到呢間人氣黃店.期間限定2人餐 $398呢個2人餐有餐湯麵包，意粉/薄餅6選1，主菜4選1，小食5選1① 法式龍蝦湯配自家製意式香草包個湯好香濃，黑色香草包幾好食，口感外面少少脆，中間鬆軟，浸湯食索左龍蝦湯亦好味。② 蒜香辣椒欖油巴馬火腿意粉意粉有咬口，味道因為有巴馬火腿所以略為偏鹹，普普通通。③ 美國極黑豬配黑松露意大利飯Creamy意大利飯！好香松露味，豬肉都唔少，有嚼口但唔係好乾或柴果種，好食。④ 黃金炒薯條黃金蛋黃醬將粗薯條包圍住，熱辣辣，好香脆，好好食！！因為炒得夠乾身，食落唔覺油膩，自覺無咁邪惡，一條接一條…⑤ 百利甜酒朱古力蛋糕 $48呢個二人餐好飽肚，但見到蛋糕櫃又好吸引，所以忍唔住叫埋。呢件蛋糕食落唔算好鬆軟，有少少似Brownie，面頭有些脆脆，口感幾有層次，我鍾意佢滲出淡淡Baileys味，唔會太甜。