Video
Read full review
2023-05-24
485 views
$200有找有個高級扒餐+任食薯條+飲品仲要係免加一架!終於搵到間好味到想一食再食嘅扒房：@supreme_steak_and_grill 🥰店內裝修主打工業風，水泥色牆配上光猛燈飾令整體空間感大咗好多，觀感非常舒服。🥩安格斯級封門柳 $190一隻牛就得一條封門柳，鍾意牛味濃嘅最佳選擇。揀咗5成熟，表面燒得好靚，易落刀唔難切，肉身係鮮嫩嘅粉紅色，個人推薦先試原汁原味唔好點醬，皆因佢嘅牛肉味非常之濃郁口感鬆軟啖啖肉之餘無多餘脂肪帶有表層嘅炭燒香味、肉汁亦非常豐富，呢個價錢食到咁嘅質素真係不得了。🐷 西班牙黑毛豬鞍 $160呢種豬聽講係食橡果大，所以佢嘅肉有種獨一無二嘅香味，肉身算厚而且肥瘦適中，肉質亦係豬肉難得嘅鮮嫩，食完一啖唇齒留香非常美味。🍟全部扒餐都有跟90分鐘任食薯條，即叫即炸，保證上枱係熱辣辣，薯條控嘅我非常滿足。🥤跟餐+$10就可以揀咖啡、汽水、花茶等飲品鍾意飲咖啡嘅，佢哋嘅鮮奶咖啡係唔錯嘅選擇。我個人就推薦飲茉莉花茶，淡淡嘅花香用嚟中和用餐後嘅油膩感一流。最後要讚一讚佢哋個廁所，係深水埗之最，乾淨又舒適。
仲要係免加一架!
終於搵到間好味到想一食再食嘅扒房：
@supreme_steak_and_grill 🥰
店內裝修主打工業風，
水泥色牆配上光猛燈飾令整體空間感大咗好多，
觀感非常舒服。
🥩安格斯級封門柳 $190
一隻牛就得一條封門柳，鍾意牛味濃嘅最佳選擇。
揀咗5成熟，表面燒得好靚，易落刀唔難切，
肉身係鮮嫩嘅粉紅色，
個人推薦先試原汁原味唔好點醬，
皆因佢嘅牛肉味非常之濃郁
口感鬆軟啖啖肉之餘無多餘脂肪
帶有表層嘅炭燒香味、肉汁亦非常豐富，
呢個價錢食到咁嘅質素真係不得了。
🐷 西班牙黑毛豬鞍 $160
呢種豬聽講係食橡果大，
所以佢嘅肉有種獨一無二嘅香味，
肉身算厚而且肥瘦適中，
肉質亦係豬肉難得嘅鮮嫩，
食完一啖唇齒留香非常美味。
🍟全部扒餐都有跟90分鐘任食薯條，即叫即炸，
保證上枱係熱辣辣，薯條控嘅我非常滿足。
🥤跟餐+$10就可以揀咖啡、汽水、花茶等飲品
鍾意飲咖啡嘅，佢哋嘅鮮奶咖啡係唔錯嘅選擇。
我個人就推薦飲茉莉花茶，
淡淡嘅花香用嚟中和用餐後嘅油膩感一流。
最後要讚一讚佢哋個廁所，
係深水埗之最，乾淨又舒適。
Post
