116
51
18
Level4
223
1
今日同阿肥嚟到九龍灣德福睇戲,最重要嘅事當然係先搵嘢食醫肚啦!眼見隔離嗰間三點幾四點都仲要排長龍...唉!香港人有乜係唔排㗎(?!)反而呢間咁好食嘅越南湯河竟然唔洗排除,我哋梗係二話不說直接入座啦~之前我哋喺APM首間分店已經食過兩次(亦都係排隊排過兩次),覺得錦麗嘅越南湯河真係算最好食同埋比較正宗風味,不過最近APM分店好似已經冇做,想食嘅話真係要搭多幾個站喇,不過錦麗都好似喺唔同區域都開設咗好多分店,可能就係因為咁,變相排隊嘅現象就消失咗喇。錦麗綜合粉($66蚊):我覺得呢碗真係呢度必叫嘅項目嚟嘅,因為碗粉入面除咗生牛肉同熟牛肉都有之外,仲有埋牛丸添!平時一向唔食牛丸嘅我,食過錦麗嘅牛丸之後就番唔到轉頭,佢同普通雪藏嘅產品個樣雖然冇乜太大分別,但係食落口嘅質感以及味道就大大不同,入口除咗非常彈牙之外,仲有好香濃嘅牛肉味道,完全冇渣冇筋乾淨俐落,又爽口又好味,係我有史以嚟遇過最好食嘅牛丸,沒有之一。而另外生牛肉亦都非常出色,薄薄嘅牛肉片半生半熟狀態,口感嫰滑,河粉連湯一同呷入口,每一啖都品嚐到濃濃的牛湯精華,非常滿足只係略嫌熟牛肉比較似牛腩嘅口感,對我嚟講厚咗小小,我個人就唔太喜歡,
Read full review
今日同阿肥嚟到九龍灣德福睇戲,最重要嘅事當然係先搵嘢食醫肚啦!眼見隔離嗰間三點幾四點都仲要排長龍...唉!香港人有乜係唔排㗎(?!)反而呢間咁好食嘅越南湯河竟然唔洗排除,我哋梗係二話不說直接入座啦~之前我哋喺APM首間分店已經食過兩次(亦都係排隊排過兩次
),覺得錦麗嘅越南湯河真係算最好食同埋比較正宗風味,不過最近APM分店好似已經冇做,想食嘅話真係要搭多幾個站喇,不過錦麗都好似喺唔同區域都開設咗好多分店,可能就係因為咁,變相排隊嘅現象就消失咗喇。
錦麗綜合粉
$66
51 views
0 likes
0 comments
錦麗綜合粉($66蚊):我覺得呢碗真係呢度必叫嘅項目嚟嘅,因為碗粉入面除咗生牛肉同熟牛肉都有之外,仲有埋牛丸添!平時一向唔食牛丸嘅我,食過錦麗嘅牛丸之後就番唔到轉頭,佢同普通雪藏嘅產品個樣雖然冇乜太大分別,但係食落口嘅質感以及味道就大大不同,入口除咗非常彈牙之外,仲有好香濃嘅牛肉味道,完全冇渣冇筋乾淨俐落,又爽口又好味,係我有史以嚟遇過最好食嘅牛丸,沒有之一。而另外生牛肉亦都非常出色,薄薄嘅牛肉片半生半熟狀態,口感嫰滑,河粉連湯一同呷入口,每一啖都品嚐到濃濃的牛湯精華,非常滿足
只係略嫌熟牛肉比較似牛腩嘅口感,對我嚟講厚咗小小,我個人就唔太喜歡,不過為咗要食到牛丸同埋生牛肉,我依然會keep住嗌綜合口味嘅。職員喺客人點餐之前,都會每人奉上九層塔,鵝蒂,香葉,青檸,辣椒同埋芽菜,跟足枱面上面嘅指示放入湯中攪拌,最有越南風味嘅食法就係咁享受到啦~

法式牛油雞翼
$40
95 views
0 likes
0 comments
法式牛油雞翼($40蚊)*有4件:為食嘅阿肥每次都要叫吓小食先安樂,今次就試咗呢款牛油雞翼,賣相煎得都幾靚,金黃色一睇就feel到脆卜卜咁,雞皮面頭富有牛油嘅香氣,熱辣辣的確唔錯。
凍雪梨崩大碗
$25
101 views
0 likes
0 comments
凍雪梨崩大碗($25蚊):估唔到阿肥會叫呢杯越南人用嚟清熱解毒嘅地道飲品,問佢苦唔苦(?!)佢好似話都夠甜味嘅,唔會太難接受。
熱薏米水
$22
48 views
0 likes
0 comments
熱薏米水($22蚊):減肥人士必選飲品
呢度嘅薏米水十分足料,有益嘅薏米水除咗可以去水腫之外,呢杯仲有濃濃嘅薑味,嗌熱飲真係正呀!再加上而家出面冷冷嘅氣溫,飲完一杯即時暖入心呢
67 views
0 likes
0 comments
73 views
0 likes
0 comments
78 views
0 likes
0 comments
160 views
0 likes
0 comments
179 views
1 likes
0 comments
九層塔,鵝蒂,香葉,青檸,辣椒,芽菜
90 views
0 likes
0 comments
80 views
1 likes
0 comments
65 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2018-12-29
Dining Method
Dine In
Spending Per Head
$109.5 (Tea)
Recommended Dishes
錦麗綜合粉
$ 66
法式牛油雞翼
$ 40
凍雪梨崩大碗
$ 25
熱薏米水
$ 22
九層塔,鵝蒂,香葉,青檸,辣椒,芽菜