Second Bite Bar & Cafe (紅磡灣中心) (Closed)

同事之前帶我去過呢間餐廳，今次再黎食多次，由公司行過去都係十分鐘，唔洗成日食茶餐廳。呢間西餐廳唔算話好中間，入門就見到有地懷舊地磚裝修，成間偏向小清新設計又有啲綠色牆打卡🥗我自己叫左慢煮油封鴨髀藍莓乳酪田園沙律，因為之前都無食過油封髀🍗。食落啲肉幾入味，肉質係偏淋，唔會有鴨X味，估唔到配埋乳酪同沙律又幾夾，成件事唔會油膩有肉有菜好健康又飽另外叫左招牌鹹蛋黃金雞翼🐔 $88同事一齊share,呢個好香口啊！啲鹹蛋黃都幾足料，起晒沙咁會忍唔住食完一隻又一隻🤣如果呀頭請食晏就推薦黎食，幾大份又唔會好嘈坐得又舒服，岩晒黎個lunch 👍