Cafe Fresca (Closed)

同朋友放學正諗緊食咩晚餐，咁岩經過呢間餐廳裝修咁靚就入左去試一試佢，殊不知有驚喜。我同朋友兩個叫左兩個main同兩杯飲品share已經夠哂飽。我同朋友叫左一個黑松露火腿意大利飯，澳洲牛柳配香草新薯，一杯熱mocha同埋一杯凍朱古力。先講下個意大利飯，飯面鋪左好多石榴水果，而家配有醋汁，食落幾新奇又解左膩既感覺，唔錯。之後到牛柳，牛柳煮出黎無overcook，而且幾嫩口，加上mustard係面個味都幾夾。個重點我會放係薯仔，好食到我同朋友爭住食，值得一試。兩杯飲品唔會偷工減料好淡味，飲落香濃，有水準！