NUTTEA (兆英商業大廈)

Open Now

Now Closed

Vegan同事最近大力推介呢間NUTTEA 俾一飲奶就肚痛嘅我，話不含奶嘅堅果奶茶，會一試上癮。於是今日lunch經開中環兆英商業大廈，決定試吓。我哋一行四人叫咗焙茶堅果奶蓋茶、火龍果堅果奶昔、鮮檸百香果紅茶同鮮檸蜜桃烏龍茶。台灣好茶配上堅果萃取嘅濃香堅果奶，口感nutty 又比一般奶味香滑。焙茶堅果奶蓋茶，茶味香濃，奶蓋香滑。火龍果奶昔，鮮艷粉紅味道清新。真係非常有驚喜嘅植物奶飲品。鮮檸百香果紅茶，粒粒百香果，酸酸地又可以有粒粒咬下，特別適合夏天；鮮檸蜜桃烏龍茶，茶味香濃又帶蜜桃香味，叫埋走甜少冰，咁健康，夏天飲多幾杯手搖都唔怕有罪疚感啦！