尚喜樓

Open Now

Now Closed

之前朋友帶我黎過新田食尚喜樓嘅煲仔飯，出色到要再Encore，今次仲要專登留肚食埋其他小菜😋煲仔飯係必點🍚，飯係粒粒分明，口感軟糯，底部嘅飯焦係超香脆的口感，食落勁有層次感～配料超多，豬肉、蝦乾等等，加埋甜鼓油一齊食不得了！😍另外就係佢每碟小菜都係份量超大份！發現自己唔小心叫得太多，但又真係好好食，會忍唔住食曬🥹咕撈肉酸酸甜甜超開胃，同埋佢係勁香脆，咬口超正！仲有啫啫蠔煲，每件蠔都好大隻，仲要超鮮甜。最後仲叫左個酸菜魚～呢份魚的份量係4－5個人食都唔會覺得少！件件魚件超滑，又有超多配料，豆腐卜、雲耳芽菜等等所有都超入味🤤📍尚喜樓元朗東永安路280A號永平村地下