YOLO Cafe & Bar (Closed)

之前經過染布房街，見到呢間裝修得好有格調嘅YOLO CAFE，就即刻book mark定要嚟食，今日終於有機會喇。閒日晚上嚟到都幾旺場，職員都好熱情咁招待我哋。呢度可以用QR CODE落單，衛生又方便。蘑菇黑松露長通粉　$128一上檯已聞到好香好香嘅黑松露味！食落係非常濃郁嘅黑松露+忌廉味，長通粉軟硬適中，醬汁分量都多，食到底都好夠味。皇室三文魚牛油果班尼迪蛋　$118呢個組合有齊曬我鍾意嘅食物——三文魚＋牛油果＋班尼迪，一定要點啦！水波蛋嘅流心效果好正，配埋香滑嘅荷蘭醬，再加埋份量豐富嘅三文魚同牛油果，無論口感定味道都好豐富好RICH泡沫牛奶　$30睇相見到啲咖啡好吸引，但因為夜晚嚟到驚飲咖啡會失眠，所以點咗個泡沫牛奶～～飲落都幾有驚喜喎！泡沫錦密，牛奶香滑濃郁。