Terrace in seaside (新城市廣場一期)

Open Now

Now Closed

臨近清明節，到附近拜山之後，同家人去新城市廣場食過午餐。之前食過佢哋嘅晚餐，都覺得唔錯。見到有限定白桃系列，好吸引。最欣賞呢份明太子蟹肉飯卷，有堆滿滿的蟹肉，蟹肉用沙律醬半勻。 飯卷咬落去好有口感有牛蒡蘿蔔絲菠菜絲。燒醬油黑毛豬白切肉紫蘇飯 $138 店員介紹呢款，紫蘇飯加入咗韓式辣醬，好有風味，黑毛豬白切肉好似薄切五花腩，肥瘦均勻。兩個人分主菜夠飽, 分別點咗兩款甜品 。春日白桃花園窩夫，賣相好靚加上食用鮮花，值得一讚係個窩夫上面嘅忌廉粉紅色嘅同埋有桃味。絲滑白桃希臘乳酪布甸杯，兩層賣相好靚上面係切碎嘅桃果蓉，下面白色係奶布丁。兩款飲品都各有特色 ，西柚戀曲氣泡梳打 ，就好好解渴酸酸甜甜。白桃飛舞冰雪，奶味比較重，好啱我口味。