Video
Read full review
2019-07-19
40 views
食過幾次和氣食堂，特別難忘個甜品，今次基本上都係為左個甜品而再嚟食每次嚟都覺得花多眼亂，Menu真係超多野食揀。今次同媽媽嚟就一定要食個沙律。甜品我負責。魚生飯都係必點。首先左口魚邊牛油果沙律。近期好似好興食左口魚。呢個沙律竟然有埋黑松露醬，對我嚟講好新鮮，亦同左口魚味道好夾。左口魚肉質好爽，作為前菜好清新。另外有大量嘅牛油果都係重點。沙律整體份量足，味道夠！再嚟個燒牛舌。今次燒得幾淋，而且好香牛味，裡面仲有少少紅紅地，如果怕食生嘅朋友就唔好叫。加埋檸檬汁，正！叫左個三文魚牛油果鰻魚粒粒飯，三文魚唔係太新鮮，或者可能係粒粒三文魚通唔係畀啲靚嘅位你。廣島蠔寄世鍋，係一個海鮮鍋，有三文魚鰭，海蝦，蠔，蜆，蟹柳，仲有大量菌類同菜，好大鍋，湯頭甜甜地，海鮮中，蜆肉同蠔最鮮最好食。麵鼓燒日本米茄子，幾得意，有啲位燒到脆，上面嘅麵鼓仲有埋啲豬肉粒，我覺得似花生醬味，幾特別，我畀8/10分。最後揀左個糯米糍紅豆綠茶牛奶雪糕，特別鍾意呢度啲糯米糍好煙韌，每次必點。綠茶雪糕依然香濃有少少苦澀，配埋牛奶中和味道就啱晒啲食唔到太濃綠茶味嘅人。今餐依舊冇令我失望，埋單每人連加一$230。抵食！！
每次嚟都覺得花多眼亂，Menu真係超多野食揀。
今次同媽媽嚟就一定要食個沙律。
甜品我負責。
魚生飯都係必點。
首先左口魚邊牛油果沙律。近期好似好興食左口魚。呢個沙律竟然有埋黑松露醬，對我嚟講好新鮮，亦同左口魚味道好夾。左口魚肉質好爽，作為前菜好清新。另外有大量嘅牛油果都係重點。沙律整體份量足，味道夠！
再嚟個燒牛舌。今次燒得幾淋，而且好香牛味，裡面仲有少少紅紅地，如果怕食生嘅朋友就唔好叫。加埋檸檬汁，正！
叫左個三文魚牛油果鰻魚粒粒飯，三文魚唔係太新鮮，或者可能係粒粒三文魚通唔係畀啲靚嘅位你。
廣島蠔寄世鍋，係一個海鮮鍋，有三文魚鰭，海蝦，蠔，蜆，蟹柳，仲有大量菌類同菜，好大鍋，湯頭甜甜地，海鮮中，蜆肉同蠔最鮮最好食。
麵鼓燒日本米茄子，幾得意，有啲位燒到脆，上面嘅麵鼓仲有埋啲豬肉粒，我覺得似花生醬味，幾特別，我畀8/10分。
最後揀左個糯米糍紅豆綠茶牛奶雪糕，特別鍾意呢度啲糯米糍好煙韌，每次必點。綠茶雪糕依然香濃有少少苦澀，配埋牛奶中和味道就啱晒啲食唔到太濃綠茶味嘅人。
今餐依舊冇令我失望，埋單每人連加一$230。抵食！！
Post
