うまい鮨勘

Open Now

Now Closed

今晚嚟海港城諗住食餐好嘅日本菜，雖然我哋只有兩個人，不過張卡位勁闊，所以坐得好舒服。餐牌上有好多選擇，睇到眼花撩亂之際，侍應突然過嚟放低另一張餐牌，話呢個王者海鮮丼每日限量供應，原價$680 ，而家特價只需$300！唔係唔食呀嘛？ ！餐牌上張相都好吸引，見到實物感覺仲正！有勁多刺身呀！包括北寄貝、鰻魚、海膽、八爪魚、鮑魚、甜蝦、三文魚籽、雜錦角切、吞拿魚蓉、蟹籽和玉子等， 最勁當然包括原隻新鮮龍蝦刺身啦！面頭仲鋪咗少少金箔添！成件事都好富貴啊！ $300真係抵到爛，大家記得一定一定一定要食啊！啲刺身唔止每款一件，而且個飯底都好多，所以絕對可以兩個人share食！刺身新鮮就梗係唔使講，我真係好鍾意個龍蝦刺身，好爽甜！食到咁上下，有個侍應仲主動問我地要唔要攞個龍蝦頭去煮味噌湯，佢呢個提議相當好，估唔到有呢種服務，不過都要收加工費，每碗$30。個湯真係好濃味又鮮！再食埋個龍蝦頭裏面嘅肉，真係好得啊！我哋另外仲叫咗個蝦天扶良（ $168），應該都有六件，仲多一件茄子天婦羅，外表乾身好酥脆，隻蝦又大，好味！