吉列牛忌廉烏冬專門店 (彌敦道) (Closed)

今次我地午飯時間係旺角搵野食，我地平日出去呢頭做野，可以食下d平日lunch menu既野，呢排冇乜食韓國野，就揀左呢間啦餐廳叫得吉列牛忌廉烏冬專門店，梗係試曬呢兩樣野啦，咁岩佢地都有個set就係吉列牛定食+咖哩忌廉烏冬or香辣忌廉雞肉炒麵+兩罐飲品（$256），我地就揀左咖哩忌廉烏冬吉列牛定食個定曬有豆腐做前菜，同埋一碗麵豉湯，吉列牛有成一大塊+多半塊既份量，認真多，仲有3款調味醬，分別係柚子豉油，芥末醬，同埋牛油黑松露，牛肉好鮮嫩，咁有多件可以比我試曬唔同醬，我就最鐘意芥末醬😋咖哩忌廉烏冬呢個忌廉烏冬我就第一次見，面頭果d忌廉真係好似平時食蛋糕果種，但就唔係好甜，口感好滑，底下就係咖哩烏冬，撈埋一齊食令個烏冬更滑，辣中帶小小甜咁，幾夠創新好食👍🏻Kobekyu牛油蜜糖單骨雞翼（$68）呢個雞翼精粹就係牛油蜜糖醬，單骨做法呢佢更加入味，成隻都充滿蜜糖醬，正呀😍