諾亞半熟蛋糕專門店 (Closed)

上個月尾去誠品時發現左呢間半熟蛋糕小店，見新推出左有忌廉哥同忌廉嫂嘜頭(得一個款)嘅半熟蛋糕杯，可以成隻杯帶返屋企架!忌廉哥太可愛啦！半熟蛋糕聽得多，但未食過，貪個杯得意就買左來試。我一直以為半熟蛋糕係熱食，原來係凍食架。開頭無為意食法，一到手即刻食，感覺好似食緊雪糕咁，心諗:「下!?又話半熟?點解咁實架?」原來。。。係要先攤幾分鐘先食架，解凍3-5分鐘左右，見中間果層開始融化，呢個時候食就明白咩叫半熟蛋糕啦！感覺係食緊雪糕蛋糕咁，入口即溶化，蛋味濃郁，綿綿口感食落好特別，夏天食更佳!杯裝半熟蛋糕有原味同朱古力兩款口味，下次經過會試下朱古力味! 以前經過九龍城見到呢間分店剛開張時已經想試，但果時無呢d細杯裝，唔想成個cake買，所以一直都無試到。今次見一個人唔太餓，想食小小野，細細杯就good fit啦!