民華餐廳

Open Now

Now Closed

今日收工去旺角買衫，買完諗住食埋飯先返屋企，行經附近有間叫民華餐廳，發覺嘢食幾吸引，價錢又抵，所以就揀左呢間！因為一個人所以要搭枱，不過都預左，晩市多人嘛！入到去睇完餐牌就嗱嗱聲叫嘢食，因為勁肚餓，雖然多人，但上菜好快，大約等左十幾分鐘就上齊！首先食既係五香牛筋腩湯河粉，佢既牛筋腩煮得又軟又淋又入味，而且河粉比其他茶餐廳有口感，而且個湯汁有濃郁既牛肉味，超正！之後開始食佢地店員極力推薦既西多士，其實我曾經猶豫過，究竟叫唔叫始終一個人，又怕肥，不過都豁出去，食完先算，首先賣相一流，切成九少塊中間有塊大牛油，再加埋煉奶，食落感覺每塊西多都炸得剛剛好，金黃酥脆，每一啖都夾著牛油同煉奶既香味，簡直係男士恩物！但奉勸一句，件西多士確實份量十足，如果係女仔或者減緊肥既朋友，就最好叫到幾個朋友一齊share，廢費食淨浪費最後嘢飲叫左杯紅豆杯，唔太甜，啱我口味，掂！佢地仲有中式點心提供，如果大家食Lunch就可以試下，而且佢地嘢食真係大件夾抵食，啱哂我地呢排打工仔！