Bong樓

Open Now

Now Closed

話說一位比較熟韓風嘅朋友介紹黎食呢間餐廳，又見無負評，心諗實冇死啦。首先，到左餐廳侍應指左張枱我地坐之後就唔理我地，最後要再叫佢先有menu睇，隔離枱有4個女仔，佢地想叫野食，4隻手伸哂出黎都冇人理，結果要行出去同侍應落單.....咁我地就叫左3款野食，分別係玫瑰芝士炸雞，炸醬麵同芥末豬手。講真，野食黎講只係普通，尖沙咀大把韓國餐廳做得更好。個芝士炸雞未用鐵板加熱之前d炸雞同薯角係凍嘅，即係唔係新鮮炸起再上菜。個炸醬麵係3樣之中最好食嘅，豬手都係正常。我地8點入坐，食到9點侍應就話last order，之後轉個頭就print埋張單要你即刻找數。都唔緊要，可能想早d埋數啫，不過吊詭嘅係，一俾完錢個背景音樂突然間開到好大聲仲要佢係播kpop跳唱組合嘅歌，所以可想而知係幾嘈！嘈到你講野，對面嘅人係聽唔到咁誇張....令人不難覺得佢係咪收完錢就想趕人走......另一樣想講嘅係，佢個洗手間好污糟，8點係食飯時間已經冇哂厠紙，個厠格衞生情況又.....唉都真係唔想再講落去。一間餐廳連衞生都做得唔好，好極有限啦講真。