Dear Coffee & Bakery (Moved) New Location

一直都聽聞佢地既手工麵包好出色，終於可以試到啦。因為佢地既麵包每星期都會唔同款，所以見到有心儀既款終於決定要去。今個星期最吸引我既係海鹽焦糖肉桂卷同宇治抹茶奶酥貝果，於是簡左黎堂食，其他款就打包慢慢品嘗。因為係海鹽焦糖既關係，所以一d都唔膩，焦糖味甜度岩岩好，再加上滿滿既肉桂味平衡左整體味道。肉桂卷外脆內軟，口感一流！真係令人有驚喜既一品。宇治抹茶奶酥貝果口感偏煙韌，食落好有質感，意外地都幾飽肚。包體帶點回甘既抹茶味，而宇治抹茶奶酥餡亦好足料，唔會過甜甚至有香濃既抹茶香味，整體味道配合得好柔和，不知不覺好快就食晒成個。另外叫左杯Matcha Latte，味道不過不失，抹茶味帶微苦好正，同埋拉花都好靚🥰今次十點正岩岩到鋪，發現已經有好多人等緊開鋪入座，一下子就坐滿晒人要排長龍，所以想成功地買到心儀既包就一定要早d過黎啦。