山頂餐廳酒吧 (Closed)

本打算去sift試下米芝蓮甜品，點知摸門釘，臨時改地點。Happy hour時段，我o地每人都叫了杯飲品。其實大家的目的是分享miss遠道帶來的手信及志在吹水傾計，所以叫的食物不算多。Snack combo-我覺得有點似印度式小食併盤，有燒雞、炸魷魚、炸角仔、印度薄餅、三文魚薄餅等等，另配以兩款醬汁。我只食了燒雞、炸魷魚，燒雞唔錯，雞肉唔會又韌又實。夏威夷雞pizza-料幾野味，可惜批底是淋的。Baby Rib-好差好差，又乾又實，都幾難食，伴配的薯條又是諗的，最好食竟然係大大粒的蕃茄，又多汁又清甜。有幾個女仔，甜品當然唔少得，款式竟然多過主菜。Apple crumble-crumble好失敗，好諗唔得脆，玉桂味唔濃，對我來講非常好。朱古力cream brulee-質地幾滑，朱古力味剛好，而且又唔太甜。Truffle cake-我嫌朱古力唔夠濃，再濃番少少就更加好。椰子香蕉蛋榚-椰子味蓋過香蕉味，當中有D椰絲及合桃，口感好好，不過味道非常之甜。而伴碟的香蕉雪榚，奶味唔算重，香蕉味就好香，學miss話齋，香蕉做甜品真係好適合的。又食又傾，好快又過了一個開心的晚上。