Coffee Talks (Closed)

🎼忘了時間的鐘　滴滴答答不休🎼太子cafe Coffee Talks... 入去首先見到呢個只有時針、冇分針嘅鐘，目的，就係想令人置身其中，忘掉時間，好好享受呢度hea一hea...裝修非常別緻，雖然店鋪唔係好大，但坐得舒服。食物供應以輕食為主，有意粉、pizza、risotto同burger...我太餓所以order兩份意粉。香辣蒜片白酒大蜆意粉（$98）蒜片同辣椒帶出嘅微辣，仲有白酒香，yummy!!意式羅勒汁帶子意粉（$108）帶子煎到微香，羅勒汁嘅香草味都夠獨特呢！雞翼（$28/3隻）加配價可以有柚子味同辣味選擇，我揀左後者，辣辣地幾惹味。青蘋果梳打（原價$42/配主菜$32）焦糖朱古力（原價$40/配主菜$30）連朱古力都有美美嘅拉花，味道仲唔錯添！一杯咖啡，已經可以令人忘掉時間，享受一個咖啡時光。