Video
Read full review
2011-06-06
49 views
對上一篇食評，係跟女友去銅鑼灣食0既pantray。pantray D全日早餐好食到癲 (但好油)，可惜執0左。早排想寫福井茶室，未的起心肝寫就執0左。一直希望找到好食又平的西餐/早餐，似乎搵到了。我0向堅道返工真係冇啖好食，六年來執左三/四間食肆，如果各位爸打絲打0向果區返工，就會知有幾惡劣。幾個月前某次做到頭暈眼花，見呢間0野幾平 ($56起未加一)，於是就入去試。佢Set lunch推出佢過日式咖喱呢類0野，我真係接受唔到，西餐玩呢D委實騎呢，不過佢D意粉、西餐就好好食，正唔正宗我就唔識食。Veggie Lasagna (初期版)裡面是紅蘿蔔，好食過肉，芝士又靚。上年做冬果日中午去食，廚師用車厘茄整左隻兔仔比我，有少少感動的。近期佢改用茄子同菜葉，稍為失色，但個汁然依搭夠。呢D唔係咩大餐廳，但真係好鬼認真，意粉永遠都煮得0岩0岩好。上星期 (1/6/2011)食過佢隻扁意粉覺得好掂，al dante之餘，個吸水度同家用好大分別，街買唔番，應該廚師係用特別方法煮過；鯷魚同香草係我0既自選配搭，我梗係話自己搭得好食ga，不過佢個鯷魚真係選少上盛，冇話淨係得個咸字。拿，自選唔係唔好，但
早排想寫福井茶室，未的起心肝寫就執0左。
一直希望找到好食又平的西餐/早餐，似乎搵到了。
我0向堅道返工真係冇啖好食，六年來執左三/四間食肆，如果各位爸打絲打0向果區返工，就會知有幾惡劣。幾個月前某次做到頭暈眼花，見呢間0野幾平 ($56起未加一)，於是就入去試。
佢Set lunch推出佢過日式咖喱呢類0野，我真係接受唔到，西餐玩呢D委實騎呢，不過佢D意粉、西餐就好好食，正唔正宗我就唔識食。
Veggie Lasagna (初期版)裡面是紅蘿蔔，好食過肉，芝士又靚。上年做冬果日中午去食，廚師用車厘茄整左隻兔仔比我，有少少感動的。近期佢改用茄子同菜葉，稍為失色，但個汁然依搭夠。
呢D唔係咩大餐廳，但真係好鬼認真，意粉永遠都煮得0岩0岩好。上星期 (1/6/2011)食過佢隻扁意粉覺得好掂，al dante之餘，個吸水度同家用好大分別，街買唔番，應該廚師係用特別方法煮過；鯷魚同香草係我0既自選配搭，我梗係話自己搭得好食ga，不過佢個鯷魚真係選少上盛，冇話淨係得個咸字。拿，自選唔係唔好，但好的廚師有責任搵當做的好材料，同埋以佢專業意見配搭，我估佢推自選料，只係應某D客人要求。感情上我是反對自選配搭，這有失餐廳身份，唔係食美國快餐呀大佬。
另外某次，中午見個餐牌冇午餐，真係打個突，誰不知打開了另一扇美食之門。老老77，flying pan好食過佢少少，但呢間0野0既English breakfast 0既麵包比flying pan好，腸仔質素亦好。自從灣仔福井茶室執左後，我好少食到唔係化學蛋漿開出來的好炒蛋。
如果要雞蛋裡挑骨頭，就係張櫈要食入張檯度，即係要成張檯拉出來，對腳先出到0黎......。
我至憎人標榜「抵食夾大件」，食多會滯，尤其下午工作不能飯氣攻心。
中環$62 (湯+意粉，未計0野飲) 食到$80質素0既0野，於願足矣。(其實我想講佢份量相對少，但夠食的)
味道只比四分唔代表佢唔夠好食 (感情上真係想比5分.....)，係因為要對比佢整得更好食的食肆公平。
Post