Gees Restaurant & Bar (Closed)

在西營盤附近辦事忙碌了一天，工作伙伴建議就在佢住啲酒店餐廳聚會，這家餐廳名叫 Gees。門口貼上午餐餐牌幾實惠。晩上餐單。我哋志在傾計飲杯酒，紅白酒雞尾酒皆有，我的前菜及主菜各是法國釀雞腿及煎鱈魚，水準幾好。先讚餐前麵包，有三款，即日貨，焗烤過才送上，所以啲皮特別脆，感覺如新鮮出爐，正呀！我們迅速清貨，女侍應竟然主動問我們要否添加，本來唔好意思，但提出我心中話，我們仲特別要求加扁身似薄餅底呢款。我的法國釀雞腿送到，圓碌碌，個樣唔似，翻轉看，見有腳仔屈起咗似番條腿，廚師刻意釀入整個曬乾莓子及藍莓汁，然後握成球狀，甜甜酸酸但又有雞味，雞肉滑，無咪骨，有特色，好好食。西餐煮的魚始終不及中餐，鱈魚的油滑度過得去，不是最好，調味又係過得去，白色泡泡忌廉汁已經幫忙了加滑。反而薯泥做得好幼滑，但想起好多牛油做，唔敢多食。朋友點咗蟹餅及牛排，佢都好滿意。非常骨子的酒店，餐廳設計亦型格，面積細細五臟俱全，而且有半祕密二人房，拍拖食飯一流，可以靜靜地傾計，坐得耐唔會有人趕，完全合唒我梳乎蛋的要求。