Video
Read full review
2022-05-24
1013 views
朋友放假專登出尖沙咀搵我食晏，所以我哋就決定食好啲，幫襯咗「牛繁」。之前行街成日經過，但晚市一來多人，二來偏貴，午市嚟就啱晒😆。呢度環境唔錯，裝修行工業風，而最重要嘅係抽風做得好，食完燒肉個身都冇一陣味👍。餐廳平日有提供午市套餐，價錢都OK，其實唔貴得過石燒牛連鎖店太多。🥩肉類有得選擇之餘，份量亦有得揀，大家可按照自己胃口而定。S10味自慢!午市盛合套餐($125/150g)，呢個餐可以一次過食晒豬牛雞‼️，碟中左至右分別係柚子胡椒雞腿肉、鹽醬元氣牛小排以及味增豬五花。三款肉各有千秋，其中雞肉嘅柚子調味突出，幾正🐔。五花肉肥瘦適中，牛小排肉嫩。S6新発売!特選薄切牛肩胛片套餐($78/100g)，估唔到100克份量都幾多，有成三大塊牛肩胛片，而且唔算薄身，可以剪開慢慢食🐮。我揀咗配秘製燒汁，濃郁得嚟唔會搶味，更能突顯牛香，而牛肩胛片自身嘅油脂分佈亦平均。我哋追加咗一份薄切牛舌($38/50g)，牛舌有兩片👅，肉質富有彈性，塩醬醃好惹味。呢度嘅燒烤爐火力強勁🔥，抽氣又好，所以啲肉燒得好靚。唯一挑剔嘅地方係爐面面積太細，如果有好多肉就有排燒，哈哈。午市一人前燒肉套餐除咗肉之外，更附有秋田小町
朋友放假專登出尖沙咀搵我食晏，所以我哋就決定食好啲，幫襯咗「牛繁」。之前行街成日經過，但晚市一來多人，二來偏貴，午市嚟就啱晒😆。
呢度環境唔錯，裝修行工業風，而最重要嘅係抽風做得好，食完燒肉個身都冇一陣味👍。
餐廳平日有提供午市套餐，價錢都OK，其實唔貴得過石燒牛連鎖店太多。🥩肉類有得選擇之餘，份量亦有得揀，大家可按照自己胃口而定。
S10味自慢!午市盛合套餐($125/150g)，呢個餐可以一次過食晒豬牛雞‼️，碟中左至右分別係柚子胡椒雞腿肉、鹽醬元氣牛小排以及味增豬五花。三款肉各有千秋，其中雞肉嘅柚子調味突出，幾正🐔。五花肉肥瘦適中，牛小排肉嫩。
特選薄切牛肩胛片
$78
29 views
0 likes
0 comments
我哋追加咗一份薄切牛舌($38/50g)，牛舌有兩片👅，肉質富有彈性，塩醬醃好惹味。
呢度嘅燒烤爐火力強勁🔥，抽氣又好，所以啲肉燒得好靚。唯一挑剔嘅地方係爐面面積太細，如果有好多肉就有排燒，哈哈。
午市一人前燒肉套餐除咗肉之外，更附有秋田小町米飯🍚、和風前菜同餐湯。米飯用上珍珠米，純香軟熟；而前菜分別係菠菜同芽菜，兩樣都好啱食。
免費嘅跟餐飲品係烏龍茶☕️，夠晒冰涼大杯。另外亦可加錢升級做特飲或啤酒。
總括嚟講，呢餐忙裏偷閑嘆嘅燒肉午餐令人滿足，食材有水準，調味得宜🤤。最後，長髮女店員幾好客，仲提議我哋食埋雪糕先走，又會不時關心爐火大小，相當細心呢。
Post
