C.O.W. Dining (Closed)

上次嚟食過lunch覺得都唔錯，而且環境又舒服，咁啱又經過附近，所以決定再嚟多一次。今次個沙律已經轉咗做象拔蚌沙律，象拔蚌份量都算唔少，食落去都好爽口同鮮甜，加咗芝麻醬就更加惹味。今次嘅餐湯都同上一次唔同，轉咗做意大利菜湯，湯加咗少許香草油，除咗一般嘅雜菜，仲有意大利粉。一般嘅做法好少會加意大利粉，所以成個感覺好特別，而且過湯酸酸地又幾開胃。我比較欣賞呢度嘅自家製意粉，所以Main Course今次叫咗自家製墨魚汁麵配海鮮羅勒香草蕃茄汁。墨魚汁麵做得好好，依然好有水準，今次意粉做得比較軟身，再配賣蕃茄汁真係好好味。配料方面亦都有好多，有蝦、青口、魷魚。而且我幾鍾意呢個番茄汁做得比較稀同薄身，唔會有好濃膩嘅感覺。