Homy Cafe (Closed)

呢日嚟到上水做嘢，順便約埋朋友出嚟食個飯，想搵一間環境舒適嘅Cafe食飯聚下舊，第一次嚟到呢一間位於上水新祥街Homy burger cafe，環境都算唔錯，屬於工業風風格，另外間鋪每一角落都好有聖誕氣氛，忍唔住影多幾張相😂😂😂我哋叫咗一個豬仔骨同一個卡邦尼意粉一齊食，個賣相好正，不過溫泉蛋入面蛋黃有啲過熟🤔🤔冇溫泉蛋效果，但意粉味道都唔錯，加咗新鮮煙肉，食落唔會好油膩，而豬仔骨就好有驚喜，夠晒大件，有重量有希望🤤🤤而且好夠入味，食到停唔到口🤭🤭酸酸辣辣好開胃，可惜薯條食唔晒，侍應姐姐仲好貼心同我哋講下次唔想食薯條可以轉沙律🤓