栢檔去骨海南雞飯 (Closed)

出開嚟佐敦做野，又到下午茶時間，所以同同事周圍搵食，佐敦大把平靚正嘅美食，同事就推介呢間~栢檔海南雞飯。喺門口望吓，裝修好新派，店舖內嘅座位都好特別，係一排一排咁樣，冇2座位、4座位嗰啲，感覺有點像員工飯堂，第一次嚟嘅我，當然要試海南雞飯啦，因為佢最出名嘅都已經放喺店舖名，冇理由唔試，哈哈。而同事就已經嚟過2次，所以佢今次試咗豬手飯。因為下午茶，唔同午餐、晚餐咁樣餸和飯分開上，感覺好像酒樓的燒味飯，又幾有風味第一次試海南雞飯，雞味都幾突出，幾多肉，飯都係雞油薑飯，幾好味。值得一讚係薑蓉可以無限添加，侍應都很友善，可以再來