Video
Read full review
2021-09-13
459 views
聽朋友將軍澳南開了間食omakasa的日本餐廳，午市有lunch set，一直對這類omakasa 餐廳的午餐都有莫名的期望，總覺得能用商業中心一頓午餐的價錢可以食到晚上omakasa的裝修環境服務已經物有所值，加上午市的食物質素，如果你有半天悠閒嘅假期想找間坐得舒服的日本餐廳，絕對值得一試。一入門口，我同朋友先到，本來餐廳準備安排坐卡位，一聽到我哋有三個人就主動安排調往坐得更舒服寬躺的卡位，其實未用餐已經加咗分。坐低我叫咗火炙丼，另外兩位朋友就叫角切。午餐包茶碗蒸沙律麵豉湯同飲品，茶碗蒸先到，火候恰到好處，蛋夠滑，麵豉湯唔會太咸，沙律正常發揮。朋友的角切丼先到，意外地角切竟然有海膽😲。而火炙丼一到，魚油的焦香味亦都撲鼻而來，大概有7件魚，包括帆立貝，質素都好好，絕對對得住個價，不過男仕可能會唔夠飽。 見到碗內的楓葉形狀的綠色樹葉，忽發奇想如果秋天嚟會唔會用黃色楓葉🍁做擺盤？不過對於一餐百五蚊的午餐呢個要求又好似太異想天開。因為食物的質素唔錯，最後加28蚊要多個抹茶布丁作結，抹茶布丁用黑豆同薄荷葉作點綴，初頭覺得食唔到怪怪的，係好滑，但點解無咩抹茶味，原來有一層抹茶在杯底，同甜甜的黑豆
一入門口，我同朋友先到，本來餐廳準備安排坐卡位，一聽到我哋有三個人就主動安排調往坐得更舒服寬躺的卡位，其實未用餐已經加咗分。
坐低我叫咗火炙丼，另外兩位朋友就叫角切。午餐包茶碗蒸沙律麵豉湯同飲品，茶碗蒸先到，火候恰到好處，蛋夠滑，麵豉湯唔會太咸，沙律正常發揮。
朋友的角切丼先到，意外地角切竟然有海膽😲。而火炙丼一到，魚油的焦香味亦都撲鼻而來，大概有7件魚，包括帆立貝，質素都好好，絕對對得住個價，不過男仕可能會唔夠飽。 見到碗內的楓葉形狀的綠色樹葉，忽發奇想如果秋天嚟會唔會用黃色楓葉🍁做擺盤？不過對於一餐百五蚊的午餐呢個要求又好似太異想天開。
因為食物的質素唔錯，最後加28蚊要多個抹茶布丁作結，抹茶布丁用黑豆同薄荷葉作點綴，初頭覺得食唔到怪怪的，係好滑，但點解無咩抹茶味，原來有一層抹茶在杯底，同甜甜的黑豆夾埋食好襯。唯一失望就係竟然用麵豉湯的同款柸去裝布丁，好似有啲唔襯😅，呢方面可以花多啲心思。總結約200蚊食到有質素嘅刺身丼定食加甜品，加上餐廳嘅環境同服務，下次放假鬆一鬆會再嚟多次。
10 views
0 likes
0 comments
火炙丼
14 views
0 likes
0 comments
抹茶布丁
11 views
0 likes
0 comments
Post
