忠孝東路

Open Now

Now Closed

每次去台北都會經過忠孝東路，估唔到尖沙咀都有一間叫做忠孝東路嘅餐廳，顧名思義，當然係食台菜啦。餐廳入面幾闊落。午餐menu有8款，可搭配小食1款。忠孝滷肉飯配香辣小黃瓜（$68）此店best selling頭兩位嘅食物，除咗牛肉麵就係呢個滷肉飯喇。滷肉飯嘅賣相都幾靚仔，有半隻流心滷蛋，滷得幾入味；至於滷肉嘅肉絲，就揀咗偏瘦嘅豬肉，食多啲都唔怕肥。飯嘅份量比台灣嘅大碗，所以午餐黎食一定夠飽。招牌忠孝水果茶（冰）（跟餐半價$19）呢杯生果茶嘅甜度都適中，最特別係佢嘅冰粒唔係普通嘅冰，而係百香果冰球，所以就算飲耐左，啲冰融左都會變做百香果汁，好fruity呢。得閒坐下飲杯嘢都唔錯。