十六座車仔麵 (Closed)

星期三嘅夜晚嚟咗16座車仔麵食晚餐，我嚟到嘅時間已經係大約九點鐘，依然好熱鬧，但係都好快搵到位。我叫咗個粗麵，餸就揀咗蘿蔔、芝心丸、芝士腸再加咗個小小辣，另外再加多左支六花茶。 啲湯沈晒落個蘿蔔度，成個蘿蔔都好夠味。 芝士腸、芝心丸都好好食（平時我最怕啲人整芝心丸，入面唔夠熱，然後中間凍冰冰），但呢度嘅就唔會。整體來講都算幾唔錯。 但注意我覺得呢度嘅小小辣，都已經算幾辣。員工嘅服務態度都好好，環境方面都坐得好舒服，都唔會坐得太迫。 價錢又適中。