Video
Read full review
2021-10-17
219 views
尖沙咀棉登徑一向係高質日本菜集中地，今次就試下主打串燒嘅橋本串燒！店員先送上沙律慢煮雞胸溫泉蛋沙律($58)雞胸因為係慢煮，所以肉質非常嫩滑。溫泉蛋輕輕一刺，蛋汁就洶湧而出，混和新鮮的沙律菜一齊食，口感更滑！沙律亦加上香醋，酸酸地好開胃！七味燒鴨舌($48)雞頸肉($32)雞心喉($36)全部都燒得恰到好處，唔會太乾。雞心喉及雞頸喺出面居酒屋比較少見，值得一試，雞心喉有喉管嘅爽脆口感又不失雞油香，雞頸食落好彈性富有嚼勁！煙肉荔枝卷($38)大蔥雞腿肉($38)日本赤雞翼($34)三款都好惹味，送酒一流！煙肉荔枝卷係我嘅至愛，煙肉嘅鹹香突出荔枝嘅香甜，每次見到都必點。日本赤雞翼燒得外皮香脆帶金黃色，內裡肉質仍然嫩滑juicy。豚肉蘆筍卷($42)梅醬五花腩($38)呢兩款豚肉串燒嘅火候一樣控制得好好，表面燒得金黃帶焦香，五花腩有少少梅醬點綴，頗有特色。A5宮崎和牛他他($288)絕對要點，份量好足，和牛呈現漂亮嘅粉嫩色，肉質細膩軟嫩，牛味香濃，入口鬆化。焦糖燒菠蘿($32)焦糖燒菠蘿燒後令甜味更加濃縮，外層焦脆，入口香甜，最佳飯後甜品！梅酒（$78）柚子酒（$78）食串燒點少得飲D酒？呢
店員先送上沙律
慢煮雞胸溫泉蛋沙律($58)
雞胸因為係慢煮，所以肉質非常嫩滑。溫泉蛋輕輕一刺，蛋汁就洶湧而出，混和新鮮的沙律菜一齊食，口感更滑！沙律亦加上香醋，酸酸地好開胃！
七味燒鴨舌($48)
雞頸肉($32)
雞心喉($36)
全部都燒得恰到好處，唔會太乾。雞心喉及雞頸喺出面居酒屋比較少見，值得一試，雞心喉有喉管嘅爽脆口感又不失雞油香，雞頸食落好彈性富有嚼勁！
煙肉荔枝卷($38)
大蔥雞腿肉($38)
日本赤雞翼($34)
三款都好惹味，送酒一流！煙肉荔枝卷係我嘅至愛，煙肉嘅鹹香突出荔枝嘅香甜，每次見到都必點。日本赤雞翼燒得外皮香脆帶金黃色，內裡肉質仍然嫩滑juicy。
豚肉蘆筍卷($42)
梅醬五花腩($38)
呢兩款豚肉串燒嘅火候一樣控制得好好，表面燒得金黃帶焦香，五花腩有少少梅醬點綴，頗有特色。
A5宮崎和牛他他($288)
絕對要點，份量好足，和牛呈現漂亮嘅粉嫩色，肉質細膩軟嫩，牛味香濃，入口鬆化。
焦糖燒菠蘿($32)
焦糖燒菠蘿燒後令甜味更加濃縮，外層焦脆，入口香甜，最佳飯後甜品！
梅酒（$78）
柚子酒（$78）
食串燒點少得飲D酒？呢度嘅定價尚算合理。
Post
