SOYmart by 豆乳狂人

Open Now

Now Closed

第一眼見到呢間店，連唔係細路仔嘅我都好興奮，忍唔住大讚它的設計，見到啲小朋友望到眼都唔眨，簡直係個快樂天地，好得！地方勁大，好闊落，有多款唔同設計嘅枱櫈，好有心思嘅設計！餐牌都好精美，有晒圖片，好清楚！有多個系列，鮮芋泥、多芒、Oreo、三色芋圓、桃膠、豆乳、豆花、豆乳茶等，除咗甜食外，仲有小食、豆卜和粢飯，都唔少嘢揀。要了五款，所有器皿各有特色。男朋友要嘅黑白芝麻豆乳 （$32），好濃厚，滿滿芝麻香，加埋豆香，絕配!我就要 7.6豆乳抹茶（$36），係豆乳加日本產抹茶。飲落好滑好厚身，抹茶味唔算好濃，因為豆味更突出，味道唔太甜，岩岩好！仲要咗兩款小食，地道避風塘MINI豆卜（$36）份量好足。迷你豆卜一口一粒，金黃唔油，連埋啲炸蒜紅、紅椒同食，香辣惹味。吉列豬扒粢蛋飯 ($45) 用料超豐富，有肉鬆、青瓜絲、榨菜、玉子 、吉列豬扒、油條，配上沙律醬。軟糯的糯米飯捲著各款爽脆的饀料，一啖咬下去好滿足！另將桃膠芋泥小丸子 ($45) 帶回家做飯後甜品。大大碗，勁多料，有大量爽滑嘅桃膠、煙韌嘅小丸子，配上香滑綿綿嘅芋泥，加了特調椰奶和黑糖，既香甜又豐富，食完真係好飽肚。